შესავალი ჯანსაღი კვების სამყაროში

 

თანამედროვე სამყაროში ჯანსაღი ცხოვრების წესების დაცვა დიდი გამოწვევაა. 

ყველაზე დიდი პრობლემა დროის უქონლობა და მუდმივად გადარბენის რეჟიმში ყოფნაა. დამღლელი კვირის ბოლოს დასვენების დრო იმდენად ძვირფასია, რომ რთულად გვემეტება სახლში კერძების მოსამზადებლად ან სავარჯიშოდ წასასვლელად. ამის მაგივრად კი ისევ რბილ სავარძელში მოვკალათდებით ხოლმე, საყვარელ ფილმს ვრთავთ და სინდისის ქენჯნით შევექცევით მიტანის სერვისით გამოძახებულ პიცას ან ბურგერს.

თუმცა  თუ ბუნებამ დიდი ნებისყოფის უნარით დაგვაჯილდოვა და სწორად კვება გადავწყვიტეთ, აქ მეორე პრობლემას ვაწყდებით: გაუფილტრავი ინფორმაციით სავსე   სამყაროს, სადაც სიტყვა დიეტა შიმშილის სინონიმია და, სადაც ერთი ადამიანის კონკრეტული რუტინა წონის კონტროლის უნივერსალურ ფორმულადაა ქცეული. 

არც ამ შემთხვევაში ვუკეთებთ რამე კარგს ჩვენს ორგანიზმს – ერთ ქილა მაწონზე ან 3 ცალ ვაშლზე გადაგორებული დღის ბოლოს, ისევ ჩვენს რბილ სავარძელს და საყვარელ ფილმს  ვუბრუნდებით გამოძახებული საჭმლით ხელში.

ამ დამაბნეველ დიეტებსა და რუტინებში, საუკეთესო ინდიკატორი სასარგებლო და მავნე პროდუქტების შესახებ  საკუთარი ინტუიცია და მინიმალური ცოდნაა. მაგალითად, არსებობს ასეთი ტერმინი “ცარიელი კალოერიები” . ამით იმ საკვებს მოიხსენიებენ, რომელიც ძალიან ცოტა რაოდენობის ან თითქმის არ შეიცავენ საჭირო ვიტამინებსა და მინერალებს. 

რჩევა: ასეთი საკვების ამოსაცნობად წაიკითხეთ პროდუქტის აღწერა. თუ ისინი შეიცავენ მყარ ცხიმებსა და შაქარს, ჯანსაღ საკვებთან მათ საერთო არაფერი აქვთ. ასეთი საკვებია:  •დაფასოებული ორცხობილები, შოკოლადის ფილა და მსგავსი ტიპის ტკბილეული;

• გაზიანი, ე.წ. სპორტული და ნატურალური სასმელები, რომლებიც დამატებით შაქარს შეიცავენ; 

• ხორცის ნაწარმი სოსისის, ძეხვისა და ბეკონის სახით;

• სწრაფი კვების პროდუქტები – პიცა, ბურგერი, კარტოფილი ფრი, მილქშეიკი და სხვა.

რაც შეეხება ინტუიციას – საკუთარზე თავზე უკეთ ვერავინ მიგვანიშნებს რა გვჭირდება და რისი მირთმევა გვსიამოვნებს ყველაზე მეტად. 

ჰარვარდის უნივერსიტეტის საჯარო ჯანმრთელობის სკოლის მიხედვით, ჩვენი ორგანიზმის “საშენი მასალით”  მამარაგების საუკეთესო გზა დაბალანსებული რაციონია, რომელიც სავსეა ფერად-ფერადი ხილითა და ბოსტნეულით, პროტეინებითა და ჯანსაღი ცხიმით. ასეთი საკვები გვავსებს სასარგებლო კალორიებით, რომელსაც დღის განმავლობაში გამოთავისუფლებული ენერგიის სახით ვწვავთ. 

კალორიებზე საუბარს ისევ ცოდნასთან მივყავართ, თუმცა ამჯერად საკუთარ თავის შეცნობასთან. თუმცა ამ შემთხვევაში ინტუიცია ან ინტერნეტში მოძიებული ინფორმაცია ვერ დაგვეხმარება. 

როცა ზუსტ მონაცემებზე დაფუძნებულ მოქმედების გეგმაზე ვსაუბრობთ, სჯობს საქმე პროფესიონალებს მივანდოთ. ადამიანებს, რომლებც ინდივიდუალური მიდგომით მოქმედებენ და სასარგებლო რაციონის შედგენაში გვეხმარებიან. 

სწორედ ასეთი პროფესიონალებისგან შედგება ავოკადოს გუნდი. ადამიანები, რომლებიც ზუსტად შეისწავლიან თქვენს მონაცემებს, დაითვლიან თქვენთვის საჭირო კალორიების რაოდენობას და, რაც ყველაზე მთავარია მთელი დღის განმავლობაში თქვენს გემოვნებაზე მორგებულ უჯანსაღესი კერძებით მოგამარაგებენ.